.
NUTK-İ ŞERÎF

Dergâh-ı Hudâ rahmet-i Rahmân bizi gözler
Ey ehl-i îmân envâr-ı 'irfân bizi gözler

Meddâhımız olmuş ezelî Hazret-i Mevlâ
Biz ümmet-i Muhammed'i ihsân bizi gözler

Bu şehr-i sıyâm emr-i ilâhî ne keremdir
'Isyân u verem derdlere dermân bizi gözler

Âyîne-i şerî'ate bak sen seni bir gör
Emrine itâ'at ede Kur`ân bizi gözler

Kendi ne Kerîm'dir ne kerem eylemiş
Allah İslâm olanın 'ıtkına fermân bizi gözler

'Arşdan erişir ferşe kadar rahmet-i Rahmân
Ebhur-i keremden olan 'ummân bizi gözler

Allah'ı Muhammed'i seven beste-dil olmuş
Fermânına Mevlâ'sının Furkân bizi gözler

Bu şehr-i şerâfet ne kerâmet ne letâfet
Eller ere a'lâya Ramazan bizi gözler

Çâr-etrâfa çarpar mı bulan râh-ı hüdâyı
Tutmuş ola hablullahı Sultân bizi gözler

Ey nûr-i dîdem nûr-i hüdâ bu Ramazan'da
Gönül gözüne erişe bu şân bizi gözler

Destgîrimiz ola meğer Hazret-i Allah
Mâh-ı Ramazan efdal-i ezmân bizi gözler

Lutfî yere yüz koy o kerem-kânına yalvar
Vallahi bugün rahmet-i Rahmân gibi gözler

Alvarlı Efe Hâce Muhammed Lutfî (Alvarlı Efe Hazretleri)
Kaddesallahu Sırrahu'l-Âlî

FOTOĞRAF: HÜVEL HAYYUL KAYYUM